Thursday, January 23, 2014

ទិដ្ឋភាព​ថ្ងៃ​មើល​លទ្ធផល​ប្រឡង​បញ្ចប់នៅសាលាភូមិន្ទរដ្ឋបាល (ឆ្នាំ២០១៣)




សេចក្ដីជូនដំណឹង ស្ដីពី ពិធីប្រគល់សញ្ញាបត្រ​​​និង​​វិញ្ញាបនបត្រ ដល់សិស្ស​មន្ត្រី​ជាន់ខ្ពស់ជំនាន់កំណែទម្រង់រដ្ឋ​ សិស្សមន្ត្រី​ក្រមការជំនាន់​ភក្ដីភាព និង​កម្មសិក្សាការី​មន្ត្រី​ជាន់ខ្ពស់-មន្ត្រី​មធ្យម ឆ្នាំ២០១៣ ព្រមទាំង​ការ​បើក​វគ្គ​បណ្ដុះ​​បណ្ដាល​​និង​​វិក្រឹត​ការ ​ឆ្នាំ២០១៤


Tuesday, November 5, 2013

លិខិតចូលរួមមរណៈទុក្ខ

ព្រះរាជាណាចក្រកម្ពុជា
ជាតិ      សាសនា      ព្រះមហាក្សត្រ​


លិខិតចូលរួមមរណៈទុក្ខ
របស់កម្មសិក្សាការីមន្រ្តីជាន់ខ្ពស់ថ្នាក់សុក្រឹតការ “ បន្ទប់ព្រះវិហារ “
នៃសាលាភូមិន្ទរដ្ឋបាល


ក្នុងមនោសញ្ចេតនាប្រកបដោយទុក្ខក្រៀមក្រំ យើងខ្ញុំជាកម្មសិក្សាការីមន្រ្តីជាន់ខ្ពស់ថ្នាក់​សុក្រឹត​ការបន្ទប់ព្រះវិហារ នៃសាលាភូមិន្ទរដ្ឋបាល  ចូលរួមរំលែក​ទុក្ខយ៉ាងក្រៀមក្រំបំផុត ចំពោះការបាត់​បង់រូប​លោកឧកញ៉ា ថង ទុយ ដែល​ជាត្រូវជាលោកឪពុក លោក​ឪពុកក្មេក និងជាជីតា ជាទី​ស្រឡាញ់​បំផុតរបស់ឯកឧត្តម  ដែលបានចែកឋាន​ទៅកាន់បរលោក កាលកាលពីថ្ងៃពុធ ទី៣០ ខែតុលា ឆ្នាំ​២០១៣ វេលាម៉ោង១០ និង ២០ នាទីព្រឹក ក្នុងជន្មាយុ ៦២ ឆ្នាំ ។

            ស្ថិតក្នុងឱកាសដ៏ក្រៀមក្រំនេះ យើងខ្ញុំសូមសំដែងនូវសមានចិត្តយ៉ាងក្តុកក្តួល និងចូលរួមរំលែក​ទុក្ខជាមួយឯកឧត្តម ព្រមទាំងក្រុម​គ្រួ​សារ​​ដោយក្តីសោកស្តាយ អាឡោះអាល័យរកទីបំផុតគ្មាន ចំពោះ​ការ​បាត់​បង់នូវអ្នក​មាន​គុណ​ដ៏ឆ្នើម​មួយ​រូប ដែលមួយជីវិតរបស់លោកបានខិតខំ តស៊ូនូវ​រាល់​ការ​លំបាក​គ្រប់​បែបយ៉ាង ដើម្បី​ចិញ្ចឹម​ បីបាច់ ថែរក្សា​កូនចៅ ដោយពុំមានខ្លាច​នូវការ​នឿយ​ហត់ ។

            ជាថ្មីម្តងទៀត យើងខ្ញុំសូមឧទ្ទិសកុសលជូនដល់វិញ្ញាណខ័ណ្ឌរបស់លោកឧកញ៉ា ថង ទុយ សូម​បាន​សោយ​សុខទៅកាន់សុខគតិភព និងសូមតាមជួយបីបាច់ ថែរក្សាកូនចៅ និងក្រុម​គ្រួសារឱ្យបាន​សេចក្តី​សុខ ត្រជាក់ត្រជុំ ថ្កុំថ្កើន ប្រកបដោយសុភមង្គលកុំបីឃ្លាងឃ្លាតឡើយ។

            សូមឯកឧត្តម មេត្តាទទួលនូវការចូលរួមមរណៈទុក្ខ និងការគោរពដ៏ស្មោះស្ម័គ្រពីយើងខ្ញុំ ។
   
        ធ្វើនៅរាជធានីភ្នំពេញ ថ្ងៃទី០៤ ខែវិច្ឆកា ឆ្នាំ២០១៣
                                     កម្មសិក្សាការីមន្រ្តីជាន់ខ្ពស់ថ្នាក់សុក្រឹតការ “ បន្ទប់ព្រះវិហារ “
                                    នៃសាលាភូមិន្ទរដ្ឋបាល

Thursday, October 31, 2013

ឪពុក​ក្មេក​របស់​បងប្រុស ប្រាក់់ សោភ័ណ បាន​ទទួល​មរណភាពកាលពីថ្ងៃទី៣០ ខែតុលា ឆ្នាំ២០១៣


ថ្នាក់​​សុក្រឹតការ​បាន​​ទទួល​ដំណឹង​ដ៏​សែន​ក្រៀម​ក្រំ​ថាឪពុក​ក្មេក​របស់​បងប្រុស ប្រាក់់ សោភ័ណ បាន​ទទួល​មរណភាពកាលពីថ្ងៃទី៣០ ខែតុលា ឆ្នាំ២០១៣ វេលាម៉ោង ១០:២០ ព្រឹក ក្នុង​ជន្មាយុ ៦២​ឆ្នាំ ដោ​យរោគាពាធ។ អាស្រ័យ​ហេតុ​នេះ សូម​បង​ប្អូន​​ទាំង​អស់​មេត្តា​អញ្ជើញ​ចូល​រួម​ជា​ភ្ញៀវ​កិត្តិយសក្នុង​ពិធី​បុណ្យ​នេះ​ឱ្យ​បាន​អធិកអធម និង​អនុមោទនា​ទទួល​យកផលានិសង្សតាម​កំលាំង​សទ្ធា​ជ្រះថ្លា​រៀងៗ​ខ្លួន ។ បុណ្យ​ខួប​គំរប់ ៧ថ្ងៃ នឹង​ប្រារព្វ​ធ្វើ​នាថ្ងៃច័ន្ទ​ទី០៤ ខែវិច្ឆិកា ឆ្នាំ២០១៣ ត្រូវ​នឹង​ថ្ងៃ ២កើត ខែកត្តិក ឆ្នាំម្សាញ់​ បញ្ចស័ក ព.ស ២៥៥៧ វេលាម៉ោង ២:០០ រសៀល នៅ​ផ្ទះលេខ M3511 ផ្លូវ33 សង្កាត់បឹងកក់់២ ខណ្ឌទួលគោក រាជធានីភ្នំពេញ ដោយមេត្រីភាព។ ព័ត៌មានបន្ថែម​អាច​ទំនាក់ទំនងតាម​ទូរស័ព្ទលេខ ០១២ ៩២៤៦៧៧